گود سبور//

خرجو شي رجاويين من هادوك اللي تشدو فأحداث شغب الكلاسيكو الخميس اللي فات بين الجيش الملكي والرجاء الرياضي فتيران مولاي عبد الله بالرباط.

وكشفت مصادر مطلعة ان 11 مشجع رجاوي من اللي تشدو فأحداث شغب الكلاسيكو خرجو بعدما قررت النيابة العامة متابعتهم فحالة سراح، وكاينين فيهم اللي خرجو بكفالة.

نفس المصادر وضحت ان مشجع رجاوي من هاد الـ11 رجاوي اللي خرجو، هو خو “ر.س” لاعب الجيش الملكي واللي هو واحد من ولاد مدرسة الرجا، وراه كان لاعب مع ليفار ضد الرجا ملي وقع الشغب.

المصادر قالت ان شي مشجعين مازال كايدوزو اليوم الثلاثاء عند النيابة العامة فالرباط، وشي وحدين تأجل المثول ديالهم ليومي 15 و 16 ماي.