وكالات //
قالو علماء ديال الأرصاد والمناخ أن هاد العام لي قربنا نودعوه كان أسخن عام في التاريخ ديال البشرية من نهار بدا بنادم كيسجل المعلومات على الأرض.
لي خلا العلماء من معهد كوبرنيكوس الأوروبي يقولو هادشي، هو أن هاد العام عرفات فيه 6 شهور درجات حرارة قياسية وغير مسبوقة ومعمرها ماتسجلاتش كاع في التاريخ.
من بين هاد الشهورة، شهر نونبر لي فات، ولي كان زايد بـ2 درجات حرارية على أعلى واحد تسجل.
كيجي هادشي فالوقت لي العالم اليوم مجموع في دبي في قمة المناخ “كوب 28” باش يوصلو لشي حلول يخفظوا بها الانبعاثات لي كتدمر البيئة.
