هناء ابو علي-كود//

قال معهد سيرفانتيس الاسباني ان عدد المغاربة اللي كايتكلمو مزيان الاسبانية هو 1.7 مليون مغربي و بالتالي ف المغرب هو الدولة الثانية بعد امريكا اللي فيه عدد المتحدثين بالاسبانية كبير ضمن البلدان اللي الاسبانية ماشي  لغتها الرسمية.

من ضمن هاد العدد كاين 22 الف  متكلم بالاسبانية غير فاقاليم الصحراء اللي كانت مستعمرة من اسبانيا.

تواجد الاسبانية ولا ناقص بزاف ف المغرب وضمنهم مناطق الشمال و الصحراء حيث سيطرات الفرنسية بزاف عبر التعليم العمومي و الاعلام الفرنكفوني  و الادارة اللي كتسعمل الفرنسية وخا اللغات الرسمية هي العربية و تمازيغت.