گود سبور- نيويورك//

فنيويورك الميريكانية وبالضبط فواحد البلاصة حدا الحي المالي فمنهاتن، كاين واحد التمثال ديال عجل كايجيو له الناس من جميع أنحاء العالم، وهذه المنطقة ساكنين فيها الملعقين فالمدينة.

هذا التمثال سميتو “بولينگ گرين” هو مصنوع من النحاس، وكايجيو له السياح اللي كايبجو لنيويورك الأجانب والمراكنة باش يتبركو بالفولات ديالو، وواخا هذا الشي كايبقى غير خرافة وخزعبلات ولكن تجربة هذا البلان كايبقى مضحك وفيه حس الدعابة.

طاقم جورنال “گود” استغل فرصة التواجد ديالو فنيويورك على هامش كاس العالم 2026، ومشى لعند الثور باش يشوف هذا الطقس الغريب والمضحك، وسول الناس اللي كايجيو تما يشدو الثور من الفولات ويتبركو منو، وواحد منهم جواب وقال: “فينما كانجي لنيويورك كانجي هنا ضروري نمس للثور فولاتو وناخد بركتو، راه اللي كايجي لها المقام كايدير لاباس”، وملي سولناه واش درتي لاباس بعد الزيارات اللي درتي لهذا الثور من قبل، وجاو وقال: “الصراحة مازال ولكن حاس بالرزق غادي يجي”.

واحد من ساكنة المنطقة كان دايز وشاف عباد الله دايرين النوبة على فولات الثور، وهو يقوليهم: “واش نتوما حماق مازال كاتفكرو بهاد الطريقة وكاتفكرو بهذا الشكل، راه هذا الشي غير خرافات”.

وبالرجوع للقصة ديال هذا التمثال د النحاس، راه نحتو النحات الطالياني آرثر دي موديكا، عام 1989 كادو منو لمدينة نيويورك، تضامنا مع المدينة بعد حادث انهيار سوق الأسهم فعام 1987.