كود مراكش//

دعا محمد مبدع، وزير سابق في الحكومة السابق، ومنسق الأغلبية الحكومية بمجلس النواب، إلى الاستعانة بشركات خاصة من أجل استخلاص الضرائب الجبائية الصغيرة لي كيتسالوها الجماعات للمواطنين، موضحا :”دبا مكناخدو والو عندو المواطنين والى كانت هاد الشركات غايجيبو لينا الضرائب يعطيونا غير 30 في المائة”.

وانتقد مبدع، خلال ورشة حول الجماعات بمؤتمر “أفريستي مراكش 2018″، طريقة تدبير وزارة الداخلية للديون التي تمنحها للمجالس الجماعية، بالقول :” من الممولين ديالنا LE FEC أي صندوق التجهيز الجماعي ولكن نسبة الفائدة كبيرة بزاف لي كتلحق 15 في المائة”، مضيفا :”بغينا تكون مراجعة لهادشي لمصلحة الجماعات”.

وقال مبدع :” كنحطو الفلوس فالخزينة وكناخدو كريدي عند صندوق التجهيز الجماعي ودبا خاصنا نشوف بنكة واحدة ناخدو منها الكريدي ونحطو فيها الفلوس”، مؤكدا بلي خاص يختار بنك يتعاملو معها ديما.
هاد مبدع معندو لاش يحشم فاش مبقاش وزير ولا كينتاقد ونسا بلي الاب ديالو كان وزير الداخلية وكيتحمل مسؤولية فجزء كبير من واقع الجماعات اليوم.