كود -مراكش//

المحكمة الابتدائية فـمراكش اليوم الثلاثاء 28 أبريل فالعشية سدات الملفّات اللي ترفعات من طرف الدركي السابق سعدون والأستاذ زهرات ضد بائع الحوت عبد الإله الحجوط، المعروف فمواقع التواصل بلقب “مول الحوت”.

وحكمات المحكمة على المتهم بـ 5 شهور دالحبس موقوفة التنفيذ، وغرامة مالية ديال 1500 درهم، مع المنع من النشاط فجميع مواقع التواصل الاجتماعي لمدة 5 سنين ابتداءً من تاريخ الحكم، وإغلاق المنصات الرقمية والقنوات الخاصة به، كما تقرر يخلّص تعويض يال 40 ألف درهم للأستاذ عبد الكريم زهرات، و30 ألف درهم للدركي السابق الظاهر سعدون.

المعني بالأمر كان تابع فحالة سراح، بتهم التحريض على التمييز والكراهية بين الناس فالوسائل الإلكترونية، وتصوير وتسجيل وتوزيع صورة ديال شي واحد وهو فبلاصة خاصة بلا الموافقة ديالو، ونشر وترويج ادعاءات ووقائع مكايناش بهدف المس بالحياة الخاصة ديال الناس والتشهير بهم.