الرئيسية > آراء > معندها حتى معنى أن المدينة تسد كلها مع التمنية ولكن بنهار تاواحد مايلبس لكمامة أو يعقم يديه، الوقاية من كورونا راه باينة دير كمامتك وعقم يديك ووالى عندك شي زهر راه ماغاداش توصلك
23/01/2021 15:00 آراء

معندها حتى معنى أن المدينة تسد كلها مع التمنية ولكن بنهار تاواحد مايلبس لكمامة أو يعقم يديه، الوقاية من كورونا راه باينة دير كمامتك وعقم يديك ووالى عندك شي زهر راه ماغاداش توصلك

معندها حتى معنى أن المدينة تسد كلها مع التمنية ولكن بنهار تاواحد مايلبس لكمامة أو يعقم يديه، الوقاية من كورونا راه باينة دير كمامتك وعقم يديك ووالى عندك شي زهر راه ماغاداش توصلك

محمد سقراط-كود///

أي واحد كيتقدى من الأسواق الأسبوعية لي فيها صحاب الخوردة والخارج غادي يلاحظ كثرة عدد الصنايعية والحرفيين لي كيبيعو ماتاريال الخدمة ديالهم، وغادي يلاحظ أيضا الناس لي كتبيع الاثات والماعن ديال دارهم، كتلقى مرة جايبة كوكوط تبيعها في السوق باش تقدى لولادها خضيرة ماياكلو، كتلقى ميكانيك ولا نجار أو سيكليس جايب كاع الدوزان ديال الخدمة وواقف عليه يبيعو، باش يبيع معلم الدوزان باش كيخدم عرف راه وصلات فيه للعظم ووصل للقاع ومابقا قدامو إلا يبيع دوزانو أو السعاية، كذلك الأثات لي في مدن بحال مراكش لي تضربات فيها السياحة لي بيها عايشين أغلب الناس بطريقة مباشرة أو غير مباشرة، فراه باب لخميس عامر أثات ديال الناس باش يكملو الشهر، بالإظافة الى أن بزاف ديال المحلات سواء عامرين أو خاويين علقو بلاكة للبيع، قهاوي حوانت قيساريات ديور، بحال الى شي هجرة جماعية، الشارع لي دزتي منوك تلقى ضروري كاراج أو جوج مكتوب عليهم للبيع، وحتى القهاوي عامرين وحالين وباغين يبيعوهم ماليهم بسباب الأزمة ديال كورونا.

الحمامات سادين، لاصالات سادين في عدة مدن، القهاوي والمطاعم تهلكوا، هادشي طبعا واقع في العالم كامل، ودابا تزادت هاد كورونا الجديدة زادت بعدات موعد الخروج من هاد الكارثة، ولكن وصول اللقاح على الأقل غادي يطلع المورال ويحسس المغاربة بلي قربنا من نهاية هاد المصيبة، غير هو راه حتى الدولة خاها ترخف يديها شوية باش تدور الحركة واخا غير المغاربة بيناتهم، راه غادي يزططو راسهم ، راه عوض هاد الإغلاق مع التنمية وحظر التجول وحالة الطوارئ، وهو البرد قايم بهاد حضر التجول على أحسن ما يرام، وفي نفس الوقت بنهار مابقى حد كيلبس الكمامة أو يعقم يديه كأن الفيروس صافي قنط وطلعناليه فراسو ومشا بحالو، او خاف من اللقاح جاي ومشى.

معندها حتى معنى أن المدينة تسد كلها مع التمنية ولكن بنهار تاواحد مايلبس لكمامة أو يعقم يديه، الوقاية من كورونا راه باينة دير كمامتك وعقم يديك ووالى عندك شي زهر راه ماغاداش توصلك، وحتى الإغلاق العام أو النقص من ساعة فتح المحلات حتى هي عندها نتيجة، ولكن  عندها سلبي تراه كتشلل البلاد، مدن حيوية كتشلل مع تمنية وقاية من فيروس كورونا لي ظلو الناس كيتناقلوه فين مامشيتي، فاش كان المخزن فارض الكمامة راه كان كولشي بكمامتو غير المخزن عيى وطلق يديه صافو تلاحو الكمايم ومابقات لا وقاية وكولشي سامر على العلاج، عوض هاد الإغلاقات في المدن وقطاعات مشللة وواقفة يتطلق داكشي بشروط مقيدة طبعا ولكن يكون الحرص على الكمامة والتعقيم، الفيروس راه طول حتى لين غادي نبقاو سادين.

موضوعات أخرى

26/02/2021 20:54

زلزال كبير فالبي جي دي.. القيادي ادريس الازمي صديق بنكيران استاقل من رئاسة برلمان الحزب والأمانة: للأسف مبقيتش قادر نتحمل ولا نستوعب ولا أستطيع أن أفسر أو أستسيغ ما يجري داخل الحزب ولا أقدر أن أغيره