كود – كازا ///

تمكن الحرس المدني الإسباني، ليلة 1 ماي الحالي، من حجز كمية كبيرة من الحشيش تقريبا طن و715 كيلوغرام فسواحل الكناري، كانت مهربة في زودياك خرج من سواحل المغرب فاتجاه سواحل تينيريفي. التدخل الناجح ديال لاگوارديا سيپيل جا بفضل معلومات ديال الديستي.

وقالت مواقع إسبانية، إن معلومات المديرية العامة لمراقبة التراب الوطني كانت عبارة عن تنبيه أمني حول وصول سفينة مغربية قادمة من المغرب، بقصد تفريغ شحنة غير قانونية، على سواحل تينيريفي. وبناء على هذه المعلومات، تدخل الحرس المدني ف الربعة ديال الصباح يوم 1 ماي الحالي.

وحسب المعلومات الواردة، فقد تم اعتقال 7 ديال الأشخاص في كورنيش ميسا ديل مار، متلبسين بنقل الكوليات ديال الحشيش من الزودياك للكاميو اللي كان كيتسناهم. وتم خلال العملية مصادرة الزودياك والكاميو وتيلفون خدام بالأقمار الصناعية وبورطابلات وجهاز ملاحة بنظام (GPS).