وكالات//
قررات وزارة التربية في تونس ، أنها تمنع التلامد من انهم يجيبو معاهم التيليفونات داخل المدارس، وهادشي كيجي بعد حادثة انتحار معلم تعرض للتنمر من التلامد ديالو على مواقع التواصل الاجتماعي.
ودارت الوزارة واحد المذكرة وجهاتها للمدارس والمعاهد في البلاد، قالت فيها انه ممنوع على التلامد انهم يجيبو معاهم السمارتفون.
ولكن سمحات ليهم في المقابل انهم يجيبو معاهم التيليفونات العادية ايلا بغاو يتواصلو مع العائلاتت ديالهم.
وكتمنع هاد الارشادات الجديدة التلامذ انهم يصورو أي حاجة داخل المدارس بدون موافقة مسبقة من المدرسة.
كيجي هادشي في الوقت لي كيتشكا فيه المعلمين من تزايد معدلات العنف عليهم، ولي زاد كملها هو انتحار معلم حرق راسو بعدما تعرض للتنمر من طرف التلامد ديالو ودار البوز في السوشيال ميديا.
