الرئيسية > تبركيك > معطيات 2 مليون مغربي تقرصنات وتعرضات للعموم
06/09/2021 20:00 تبركيك

معطيات 2 مليون مغربي تقرصنات وتعرضات للعموم

معطيات 2 مليون مغربي تقرصنات وتعرضات للعموم

كود – عن Zatas//

واحد الهاكر بيراتا المعطيات الشخصية ل2 مليون مغربي، وبدا ينشر فيها للعموم، من قبيل الهوية، والمهنة، وليمايل، وغيرها من المعلومات.

وفنهاية هذ السيمانة اللي فاتت، وتحديدا ليلة الجمعة، وقع هذشي، بحيث حط المعني، الخبير فنظم المعلومات، 2 مليون فيشيي على مغاربة من 3 فضاءات clouds كيمكن ولوجها بشكل مجاني، وموجودة فويب 2.064.201، فيها حسابات رجال وعيالات من أصول مغربية.

وكيمكن معرفة سمية وكنية الضحايا وخدمتهم وعنوانهم الإلكتروني.

واستخرج الهاكر هذ المعلومات من تسريب بيانات Linkedin المنشورة فالمارشي نوار هذي أسابيع.

بالنسبة للتسريب الثاني، فكيتعلق بجامعة محمد الخامس فالرباط، كيف قال هاكر واحد آخر، بحيث تسربمنها 2181 سيفي، وهوما سيفيات بتواريخ من 2013 حتى ل2020، فيهم عناوين البريد وصور وإيمايلات طابة من

وهذ السيفيات ديال طلبة فالهندسة الكهربائية والمدنية والصناعية وعلوم الكمبيوتر والميكانيك ونمذجة الكمبيوتر والعمليات وحتى الشبكات والاتصالات السلكية واللاسلكية.

وماقالش الهاكر كيفاش حصل على هذ المعلومات، وعلاش.

https://www.zataz.com/les-donnees-de-plus-de-2-millions-de-marocains-diffusees-par-des-pirates-informatiques/?__cf_chl_captcha_tk__=pmd_iCv1Kk3igLZ4H937_pfsmOQowOHwYUIQCncTUd1m5dE-1630934354-0-gqNtZGzNA-WjcnBszQfl

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم