الرئيسية > تبركيك > معطيات جديدة وحصرية على المغربي اللي تقتل فواشنطن جابتها “كود”.. تضرب ب3 دالقرطاسات وتسرقات ليه ساعة غالية
26/02/2021 23:00 تبركيك

معطيات جديدة وحصرية على المغربي اللي تقتل فواشنطن جابتها “كود”.. تضرب ب3 دالقرطاسات وتسرقات ليه ساعة غالية

معطيات جديدة وحصرية على المغربي اللي تقتل فواشنطن جابتها “كود”.. تضرب ب3 دالقرطاسات وتسرقات ليه ساعة غالية

كود كازا//

“كود” جابت معطيات جديدة وحصرية على المغربي اللي تقتل الخميس فواشنطن، بحيث عرفات من مصدر مطلع على حيثيات القضية أن الشاب تقتل فأرقى حي فواشنطن سميتو جورج تاون، والجريمة وقعات مع 3 دالعشية، وكانت عاصفة ثلحية والشوارع خاوية.

وتبين من بعد البحث، حسب ما قال مصدر “كود”، أن الشاب تقتل ب3 قرطاسات، تسرقات ليه ساعة غالية، ومن المرجح تكون سرقتها هي سبب ارتكاب هذ الجريمة، من طرف شخص أو أشخاص مازال ما تم التعرف على هويتهم.

وحيت الامر كيتعلق بحي راقي، نادرا فين كيعرف هذ النوع من الجرائم، هذشي دفاع الحاكم ديال واشنطن تجي تزور مسرح الحريمة بنفسها وتقوم بالمعاينة دالحادث.

والطبيب الشرعي فحص جثة الشاب المغربي وسلمها لصحابو، ومن المنتظر يتم ترحيلها فأول رحلة دلارام من واشنطن لكازا نهار الحد، بحيث غدي يدفنوه فقنيطرة.

وكيف سبق ل”كود” نشرات فمقال سابق، فالشاب المغربي المقتول سميتو يونس زرواكي، عندو 30 عام، وكيسكن فألكسندريا فولاية فيرجينيا.

وقدمات إدارة شرطة واشنطن مكافأة د25000 دولار لأي شخص ممكن يقدم معلومات تؤدي إلى اعتقال وإدانة الشخص أو الأشخاص المسؤولين عن الجريمة.

موضوعات أخرى