وكالات//

نتاشرات واحد القصة مأساوية لواحد السيد، عتقاتو الخدمة ديالو من الموت في الحادثة ديال تحطم الطيارة في كوريا الجنوبية، ولكن بقا هو الناجي الوحيد من العائلة الكبيرة ديالو.

وقال هاد الراجل لوكالة يونهاب الكورية الجنوبية، إن العائلة ديالو الكبيرة كلها ولي فيها 14 عام، مشات كلها لتايلاند باش يحتافلو بعيد ميلاد جدهم.

وهو كان غادي يرجع معاهم في الطيارة لي تحطمات، ولكن الخدمة ديالو عيطات عليه في آخر لحظة باش يمشي في أقرب وقت للهند، وهو شي لي خلاه ياخد الطيارة قبل بنهار.

هاد السيد لي كان كيعاود على القصة ديالو وهو منهار بالبكا والحزن قال إن 6 ديال الناس ماتو من عائلتو الصغيرة و8 من العائلة الكبيرة ومن بينهم دراري صغار.

وغير باش تعرفو راه هاد الكارثة الجوية مات فيها 179 واحد وتعتق منها غير 2.