عن اورونيوز//

نظمو مئات من المتظاهرين ديال حراك السترات الصفر سبع تظاهرات متفرقة في باريس وباقي أنحاء فرنسا اليوم السبت، للأسبوع الرابع عشر على التوالي.

وبحال السيناريو ديال الاسابيع الماضية، تصدات قوات الأمن للتظاهرات، وفبعض الأحيان طلقات الغاز المسيل للدموع.

وبدات التظاهرات فاللول احتجاجا على ضرائب ليصانص، وتحولت إلى حراك ضد الرئيس إيمانويل ماكرون وسياساته الموالية لمجتمع الاعمال.

وتراجعت أعداد المتظاهرين هاد السبت، وقالت متظاهرة من السترات الصفر سميتها إيميلي بادوا: “بالطبع عيينا، و سئمنا، ولكن مغاديش نستسلمو”.

ديدير بايلاك، متظاهر آخر قال:”كنشارك فالاحتجاجات، لأن القوة الشرائية ديالنا كتتراجع يوميا، بالإضافة إلى العنف اللي مخدماه الشرطة ضدنا، وهاد العنف كيتزاد يوما.

وحسب ارقام حكومية، أعداد المتظاهرين تراجع من تقريبا 300 ألف في نوفمبر إلى 50 ألف الأسبوع الماضي.