الرئيسية > الزين والحداكة > مطاعم برادة دايرة الاستثناء فعين الدياب. غير هو اللي مازال خدام وكلشي على طاطا مرجانة ..نهار قربو من مطاعمهم العامل طار
10/09/2020 13:00 الزين والحداكة

مطاعم برادة دايرة الاستثناء فعين الدياب. غير هو اللي مازال خدام وكلشي على طاطا مرجانة ..نهار قربو من مطاعمهم العامل طار

مطاعم برادة دايرة الاستثناء فعين الدياب. غير هو اللي مازال خدام وكلشي على طاطا مرجانة ..نهار قربو من مطاعمهم العامل طار

كود كازا//

عقلتو نهار دخل رجل السلطة لمطاعم برادة هادي مدة. بان واحد المستخدم فالڤيديو كيقول “راه ديال السي برادة”. دازت عادية هاد الجملة. غير بعد ما تقرر يسدو لهاد المطاعم =عندو كومبليكس فيه 4 مطاعم= لمدة 48 ساعة ليلة سبت٬ طار رشيد عفيرات عامل انفا فكازا نهار الاثنين ببيان خرجاتو الداخلية ما شادش.

من بعد جات الايادي البيضاء باش دير تطبيق العدالة بالمساواة على كاع الملايرية مالين المطاعم. دابا كثار تسدو مؤقتا وشي تسحب ليه رخصة الشراب ولكن مازال هاد برادة اللي بدا طاشرون من خلال “بالموري” وجا لعالم الليل٬ مازال خدام. هو اللي خدام بهاد الطريقة وكيدخل ملاين صحاح كل ليلة.

شي كيقول راه ولى كيطبق بصرامة القانون: التباعد والكمامات والوقت ديال الاغلاق٬ لكن شي مطاعم منافسة كيقولو باللي كيدير هاد لشي باش كيجيو عندو المراقبة ولكن راه كيقول باللي صحاب الامراء والاميرات وباللي عندو طاطا مرجانة زوجتو اللي كتقول باللي كيدير ما بغات بل كيهدرو انها اتهمات شي جزء من البورجوازية البيضاوية بتسليط السلطة على مطاعمها.

دابا شي اصحاب المطاعم كيقولو لوالي الجهة ووالي الأمن احنا امغاربة خاوة خاوة وعاملونا ساوة ساوة. راه برادة الطاشرون حتى هو كيخرق القانون بحالنا. دابا مازال خدام وكيحقق ارباح كثيرة. هاد مالين الريسطورات فالحقيقة معولين غير على المدير العام للامن الوطني باش يعامل كلشي بحال بحال. عارفين لخراين ما يقدروش على هاد طاطا مرجانة.

الادارة العامة للامن الوطني غادية فعملية الايادي البيضاء بلا ما تفلت حتى حد. دابا الطاشرون برادة شاد الصف ولكن فاي لحظة خرج منو غادي يتعاقب واخا عندو طاطا مرجانة

موضوعات أخرى

28/09/2020 17:22

روكور جديد حطمو المغرب اليوم فالوفيات بكورونا.. 44 ماتو و 1422 تصابو و1877 تشافاو.. الطوطال: 2113 وفاة و119107 إصابة و97468 حالة تعافي.. و19526 كيتعالجو بينهم 415 حالة خطيرة

28/09/2020 17:20

ثمن الدجاج نزل لـ13 لدرهم.. وفيدرالية الدواجن للمواطنين: تزاد الثمن 10 أيام حيت تقهرنا وخسرنا الملاير وكَاع المربين واكلين الدق ودارو فاييت وبغيناكم تحسو بينا

28/09/2020 17:00

مواطنة كتتهم المحامي ديالها بالنصب لـ”كود”: دوزت الاعتقال التعسفي ظلما وعدوانا بسبابو وعاد مطالبة بتعويض ديال 12 لمليون.. وهو كيرد: هاد السيدة بغات تدير قانون الغاب وكتسب وتنعت بكلام قدحي وشكاياتها ضدي تحفظات حيت ماعندها أساس

28/09/2020 16:30

خاص. مصدر قضائي لـ”كود”: الاستماع لرئيس الحكومة والوزراء فملف أرباح المحروقات كذوب..وها كيفاش كيتحاكمو مستشاري الملك والوزراء