الرئيسية > آش واقع > مضصراهم الفلوس. وما كاين لا تدابير صحية لا والو.. قصارة وعيد ميلاد سانك إيطوال ف ڤيلا فمراكش والبوليس جاو جمعو كلشي
28/01/2021 08:20 آش واقع

مضصراهم الفلوس. وما كاين لا تدابير صحية لا والو.. قصارة وعيد ميلاد سانك إيطوال ف ڤيلا فمراكش والبوليس جاو جمعو كلشي

مضصراهم الفلوس. وما كاين لا تدابير صحية لا والو.. قصارة وعيد ميلاد سانك إيطوال ف ڤيلا فمراكش والبوليس جاو جمعو كلشي

كود مراكش //

شي ناس عاجبينهم ريوسهم ومضصراهم الفلوس اللي عندهم وعايشين في كوكب بوحدهم وما دايرين اعتبار للظروف الصحية الخاصة اللي كتمر منها البلاد.

شي انانيين وكيفكرو غير فريوسهم نظمو البارح الأربعاء قصارة تحت غطاء عيد ميلاد وتجمع فيها كثر من 20 شخص بفيلا فمراكش.

البوليس ديال الكوميسارية 16  كانو ماشي من العاكَزين جاو دارو خدمتهم ومعاهم السلطات المحلية ديال ملحقة رياض السلام.

جميع المدعوين لهاذ عيد الميلاد جمعوهم البوليس في اتجاه الدائرة الامنية كما تم حجز العديد من قنينات الخمر..

موضوعات أخرى