گود سبور- القاهرة//

انتقد عبد المجيد مضران الرئيس المنتدب لنهضة بركان التحكيم ديال روتور فينال كأس الكونفدرالية الأفريقية ضد الزمالك المصري فالقاهرة، وأكد أن الزمالك المصري استفزوهم وما استقبلوهمش مزيان.

وهضر عبد المجيد مضران بعد خسارة نهضة بركان مع الزمالك الفينال بواحد لزيزو وقال: “الحكم ما عطاناش بيلانتي، وكنقول له المسامحة إذا كانت نيتو حسنة، وإذا كانت النية ديالو مبية هادشي راه ماشي مقبول”.

وكمل مضران وقال: “كان بعض الاستفزاز، والزمالك ملي جاو لبركان رحبنا بهم واستقبلهم الرئيس ديال نهضة بركان ورئيس العصبة الاحترافية، ولكن ملي جينا لمصر ما استقبلوناش مزيان وصيفطو لينا موظف”.