الرئيسية > كود سبور > مضاربة فقطر.. عداء دابز مع المدير التقني ديال الجامعة…والكعام راجل رباب عرافي بغا يضرب مدرب مراتو والبوليس فك الجرة
03/10/2019 11:00 كود سبور

مضاربة فقطر.. عداء دابز مع المدير التقني ديال الجامعة…والكعام راجل رباب عرافي بغا يضرب مدرب مراتو والبوليس فك الجرة

مضاربة فقطر.. عداء دابز مع المدير التقني ديال الجامعة…والكعام راجل رباب عرافي بغا يضرب مدرب مراتو والبوليس فك الجرة

مصطفى الشاذلي – كود سبور///

المغاربة المشاركين في بطولة العالم لألعاب القوى داروا الشوهة البارح فالدوحة قدام الوفود المشاركين والبوليس والمنظمين.

مضاربة وقعات بين ايوب منديلي، المدير التقني لجامعة العاب القوى والعداء محمد تندوفت، بعد السباق ديال 3000 متر موانع.

تندوفت خرج من السباق وما قدرش يكمل، الشي لي خلا المدير التقني يدور فيه ويطلب منو استفسار علاش انساحب، وهو ما لم يتقبله العداء نفسه، اللي كانت ردة فعله قوية ودخل الطرفان فخلافات وملاسنات كادت تتطور إلى ما لا يحمد عقباه.

القضية ما وقفاتش عند هاد الحد، بل امتد الخلاف إلى العداء المغربي فؤاد الكعام، راجل رباب غرافي، اللي جات السابعة في فينال 800 متر، ومنديلي، المدير التقني ومدرب مراتو فبطولة العالم.

الكعام هاجم منديلي وبغا يضبو، لحقاش حملو مسؤولية فشل مراتو عرافي فالفوز بإحدى الميداليات. الخلافات كبرات والصداع تزاد أكثر حدة بين منديلي والكعام وتيندوفت، الشوهة شافوها بعض العدائين الأجانب ولو لا البوليس ديال قطر لا وقع الضرب والجرح بين الرياضيين المغاربة فهاد التظاهرة العالمية.

الأكيد أن هاد الصداع ما شي صدفة ومفاجئ بل هو امتداد لسوء التفاهم بين العداء تيندوفت ومنديلي.

عبد السلام أحيزون تقلق بزاف فاش عرف هاد الشوهة ديال الرياضيين المغاربة فبطولة العالم.

ومصادر “كود”، أكدت أن أحيزون كينتظر يرجع المنتخب الوطني لألعاب القوى من الدوحة باش يتخذ قرارات مصيرية في حق كل من سولت له نفسه تشويه صورة المغرب فالخارح، وغادي يدير تغييرات جذرية بالإدارة التقنية، لأنه ما راضيش على النتائج لي ماحقاتهاش ألعاب القوى المغربية فالسنوات الأخيرة.

موضوعات أخرى