كود سبور//

ناضت الروينة فماتش الجيش الملكي ضد أولمبيك آسفي البارح السبت بالليل، ضمن الدورة 24 من منافسات البطولة الاحترافية لكرة القدم، ومضاربة خايبة بين جماهير ليفار.

وتبلبلات فتيران القنيطرة بين مشجعين الجيش الملكي، وبالضبط بين منتمين لجوج ديال الفصائل المشجعة لليغا والماتش ملعوب، وهاد الشي واخا الفريق رابح، وبداو كيشيرو على بعضهم بأي حاجة جات فيديهم، مع العلم الماتش بين الجيش الملكي وأولمبيك آسفي كان حاضر فيه غير جمهور ليفار وجمهور آسفي تمنع عليه يحضر.

ومن المنتظر يكونو اعتقالات فوسط المخربين والمشاغبين على خلفية هاد الأحداث اللي كتسيئ لصورة المغرب المقبل على احتضان تظاهرات عالمية، وكذلك يقدرو يكون إصابات، ومن المنتظر أيضا تصدر عقوبات فحق فريق الجيش الملكي بالمنع من استقبال الماتشات ديالو بحضور الجمهور.