الرئيسية > آراء > مصيصة ماشي جريمة. وماشي أي واحد أو وحدة داروها راه يستاهلو الحبس.. وتهمة الفساد ماخاصش تبقى معلقة فوق رقبة المغاربة لي كيديرو علاقة رضائية بلا كاغيط.. واللي خاصو يتعاقب فهاد القضية هو ناشر الفيديو
16/01/2021 15:00 آراء

مصيصة ماشي جريمة. وماشي أي واحد أو وحدة داروها راه يستاهلو الحبس.. وتهمة الفساد ماخاصش تبقى معلقة فوق رقبة المغاربة لي كيديرو علاقة رضائية بلا كاغيط.. واللي خاصو يتعاقب فهاد القضية هو ناشر الفيديو

مصيصة ماشي جريمة. وماشي أي واحد أو وحدة داروها راه يستاهلو الحبس.. وتهمة الفساد ماخاصش تبقى معلقة فوق رقبة المغاربة لي كيديرو علاقة رضائية بلا كاغيط.. واللي خاصو يتعاقب فهاد القضية هو ناشر الفيديو

محمد سقراط-كود///

بنت كانت في علاقة مع واحد. دار معاه فيديو جنسي. تفارقات معاه، تلاقات واحد آخر تزوجات بيه دارت وليدات، حتى تلاح ليها الفيديو وناضت عليها قربالة عوض يتشد لي لاح الفيديو ودمر حياة هاد البنت ويقدر يأثر حتى على حياة ولادها، صدقات تشدات هي وتحكمات بشهر ديال الحبس هاكاك باطل باطيلة، مادايرة حتى شي جريمة من غير أنها دارت الثقة فالبورطابل، وقاهرها الزمان وزاد قهرها تسريب جاك الفيديو وكملو عليها بشهر ديال الحبس فرقوها على ولادها، لكن للأسف حيت البنت غير من أيها الناس راه ماضغط حد، الإعلام هدر عليها غير من الجانب الفضائحي ماشي الحقوقي وبلي هاد السيدة راه جريمة أنها تمشي للحبس على فيديو دارتو بالتراضي هي وصاحبها.

هاداك الشهر ديال الحبس ل خداتو مولاة الخمار راه تلقى القاضي تعاطف معاها وحكم عليها بأقل عقوبة على التهم لي تقدمات بيها، الموشكيل الحقيقي هو النص القانوني لي خاصو يتحيد، راه عيب وعار يبقى الجنس خارج اطار الزواج جريمة، وتبقى تهمة الفساد معلقة فوق رقاب أي مغربي ومغربية بغاو يمارسو الجنس بحال كاع البشر، ويمكن فأي لحظة يحصلو ويمشيو فيها، الناس راه مئات السنين دابا فين مابقاش الجنس جريمة، والمساكنة قانونية والولد الطبيعي ينتسب لوالديه ويورث فيهم، هادو قوانين كانو فدول لاتينية فيها حروب أهلية هادي كثر من مية عام، وحنا مغرب الإستقرار والامن والأمان تهز فيه أم من حدا ولادها وأسرتها وتمشي بشهر ديال الحبس حيت تصورات فيديو كتمص لواحد.

مصيصة ماشي جريمة وماشي أي واحد أو وحدة مصو القضيب راه يستاهلو الحبس، هذا سلوك جنسي بين جوج بالتراضي ماخاصش الدولة تتدخل فيه نهائيا، وراه كبلاد غادا مزيان عيب تبقى عندنا مثل هاد النصوص القروسطية لي كتعاقب على الجنس خارج اطار الزواج، وعيب يتحبسو مغاربة أصلا غير حيت مارسو الجنس، هادشي معندو علاقة بالمغرب لي كنتطلعو ليه( حنا موالين العقل طبعا)، هذا مغرب جديد ولكن ببقايا سلفية بحال شي توحيمة في الحنك، البلاد متفتحة وحداثية ولكن في نفس الوقت فيها قوانين ديال القرون الوسطى آش هادشي. اللي خاصو يتعاقب فقضايا بحال هادي كيف كدير دول اوربية هو ناشر الفيديو. هو اللي قتاحم الحميمية العلاقة الرضائية.

موضوعات أخرى

26/02/2021 11:00

رئيس صربيا السابق و 250 شخصية أوروبية وأمريكية لاتينية راسلو بايدن و كيرحبو بالاعتراف الأمريكي بمغربية الصحرا  – تغريدة