وكالات//

تعتقو بزاف ديال السياح الفرانساويين من الغرق في مدينة مرسى علم لي كاينة في السواحل المصرية، جنوب البحر الأحمر.

على حساب مقالت الصحافة ديال مصر فواحد الباطو سياحي كان هاز 24 واحد تعرض لحادثة فوسط البحر بعدما تحك مع شعب مرجانية وتسبب ليه في ثقب كبير.

وعاشو هاد السياح حالة ديال الرعب لدقائق طويلة داخل البحر وكانت غادي تتحول إلى كارثة.

ولكن لحسن الحظ جا واحد الباطو آخر وهزهم بـ24 بيهم وعتقهم من الموت المحقق، بعدما غرق الباطو كلو في أعماق البحر.