كود الرباط ///

مرة اخرى كذب مصدر من وزارة الشباب والثقافة والتواصل علاقة الوزارة بتكريم شي كمامر منهم دنيا باطما هادي سيمانا.

مصدر من الوزارة عاود اكد ل”كود” باللي كان استغلال لشعار الوزارة الرسمي ولهويتها البصرية واستغلال اسمها لترويج ديك السهرة ديال التكريمات.

واوضح المصدر ل”كود” انو يتأسف لنشر صور غير صادرة عن الوزارة.

دنيا باطما واخا فراسها باللي الوزارة نفات وكذبات علاقتها بالحدث بقات دايرة صورة وفيها شكر للوزارة.

هاد السيدة اللي رفضات محكمة النقض اليوم الخميس 28 دجنبر 2023 طلبها وهو ما يعني انو خاصها دوز العقوبة الحبسية اللي تحكم عليها فيها فقضية “حمزة مون بيبي”٬ ما دارت حتى توضيح لهاد الجائزة