عمر المزين – كود///

أوضح مصدر مسؤول من داخل شركة الخطوط الملكية المغربية لـ”كود” أن النظام المعلوماتي الخاص بـ”لارام” معندو حتى شي علاقة بشركة “ميكروسوفت” التي أصابها عطب تقني تسبب في تعطيل الخدمات فعدد من المطارات العالمية والبنوك.

وأضاف المصدر نفسه قائلاً: “حنا غير معنيين بهاد العطب حقاش السيستيم ديال لانفورماسيا باش خدامين معندو حتى شي علاقة بشركة ميكروسوفت، ولهاد الساعة الرحلات الجوية ديالنا كلها مزيانة لكن تقدر تكون شي تطورات حقاش كاين مطارات كتخدم بنظام هاد الشركة”.

وفي رده على سؤال “كود” حول تأثر الرحلات الجوية اللي كتديرها لارام بشكل مباشر للولايات المتحدة الأمريكية المتأثرة بشكل كبير من هاد العطب التقني، فقد أوضح المصدر ذاته، أن “هاد الرحلات الجوية غير مبرمجة الآن لكي نعرف واش كاين شي عطل من عدمه”.