كود كازا//

استغرب مصدر من صحاب المطاحن فتصريح ل”كود” من بيان  الفيدرالية المغربية للمخابز والحلويات واعتابرو تخرميز وكذوب. المسؤول قال ل”كود” باللي الدعم اللي كتقدمو الحكومة للدقيق ما كيمشيش عند صحاب المطاحن. الفيدرالية كانت قالت فبيان ليها ان المخابز لا تتلقى اي دعم عمومي وانها تتحمل كل المصاريف والزيادات هادي عشرين عام وان ما تمنحه الحكومة كيمشي للصناعة التحويلية لوحدات المطاحن.

مصدر “كود” قال ان الدعم كيمشي للمستوردين باش يغطي الفرق ويخلي ثمن الدقيق كيف هو اليوم. واضاف المصدر ل”كود” ان المطاحن كيشريو “الزرع بالثمن المدعم” كما اشار ان هاد الدعم اللي كتعطيه الدولة ماشي قار شهريا بل كيتقلب على حساب تقلبات السعر عالميا.

وكانت الفيدرالية المغربية للمخابز والحلويات ردات على تصريح الناطق الرسمي باسم الحكومة مصطفى بايتاس٬ وقالت باللي كتدرس للي تدرس تحرير ثمن الخبز من طرف واحد. بايتاس قال نهار لخميس اللي فات باللي الحكومة تدعم تثبيت الثمن المرجعي للخبز ف24 ريال بغلاف مالي شهري كيوصل ل50 مليار سنتيم