كود سبور//

كايوجد الاتحاد الإفريقي لكرة القدم، مع الشركاء ديالو الثلاثة فتنظيم كاس افريقيا للمحليين، تنزانيا وكينيا وأگندا، واخا داكشي اللي كايروج ايام هادي بأن البطولة ستلغى او تؤجل.

واكد مصدر من الاتحاد الافريقي لكرة القدم، أن الاستعدادا مستمرة لإقامة كاس أمم افريقيا للمحليين 2024 فوقتها، بتنزانيا وكينيا وأوگندا، وحتى القرعة غاتكون يوم الاربعاء المقبل ينيروبي الكينية وتمت دعوة الضيوف اللي غايشاركو فالقرعة، والمسابقة غاتكون فقوتها المقرر بين فاتح و 28 فبراير المقبل.

وديما مع “الشان”، فالجماهير المغربية تنتظر قرار الجامعة الملكية المغربية لكرة القدم، الإعلان عن مصير المشاركة المغربية فالبطولة، خصوصا بعد إلغاء المدرب طارق السكتيوي لمعسكر المنتخب المغربي لاقل من 23 عام ديال لاعبي البطولة الاحترافية من مواليد عام 2000 للفوق، وهما اللي كان مقرر انهم يشاركو فالشان، وتم الاعلان على المعسكر صباح السبت الماضي، ولكن تعلن عن الالغاء ديالو فنفس اليوم بالليل.