أنس العمري – كود//
كشف مصدر موثوق، لـ”كود”، أنه حتى لدابا ما كاين حتى زيادة فثمن الخبز، مشيرا إلى أن الهضرة لي كتروج بهاد الخصوص ما عندها حتى أساس من الصحة.
وتروجات هاد إشاعة رفع ثمن الخبز، مباشرة بعدما تعلن رسميا زيادة 10 دراهم في سعر البوطا، لي ولات ابتداء من اليوم بـ50 درهم.
وأثار الإجراء نقاش كبير وسط أرباب المخابز، ولي منتظر يجمع ممثليهم، قريبا، لقاء طارئ باش يتدارسو تأثير هاد الزيادة على قطاعهم.
ووفق ما كشفه مصدر مطلع في الجامعة الوطنية لأرباب المخابز، لـ “كود”، فإن اللقاء غيجري الحسم في الإجراءات لي ممكن أنها تتخاد، في ظل الزيادة المعتدة في ثمن البوطا، والمعلن عنها، أمس الأحد، من قبل وزارة الاقتصاد والمالية.
