كود احمد الطيب الرباط ///
قالت مصادر مطلعة بالعاصمة المالية باماكو ل”كود” ان هناك اتفاق دار بين “المالي” المعروف ب”ايسكوبار افريقيا” وبين شي جهة فالمغرب. هاد الاتفاق ينص حسب مصادر “كود” بنقل هذا الشخص المعروف باتجاره في المخذرات فالقارة الافريقية٬ الى سجن من سجون العاصمة المالية باماكو.
مصادر “كود” لم تكشف عن الجهة اللي قد تكون اتفقات معاه ولا عن المقابل ديال هاد الشي٬ فالمقابل اكدات المصادر باللي هاد الاتفاق يشمل نقل السجين اللي عندو اصلو من دولة مالي لحبس تماك وكذلك زوجتو المغنية.
ايسكوبار افريقيا اللي كان فحبس الجديدة قبل ما يتنقل لكازا بدات قضيتو باش نشرات “جون افريك” لمقال باين شكون سربو ليهم٬ وفيه وجه اتهامات لرئيس نادي مغربي ورجل اعمال وسياسي مغربي. بعدها بدات التحقيقات.
دابا مازال التحقيقات مستمرة بناء على تسريبات ديك الجهة للمجلة الفرنسية.
