كود كازا //

نفات مصادر مطلعة ل”كود”، ماكيروج من خبار حول بيع ممتلكات حسن الدرهم فمزاد علني وبلي هاد المعلومات غير دقيقة.

وأوضحت ذات المصادر المطلعة، بلي حسن الدرهم وبنك إفريقيا توصلوا إلى صيغة توافقية بشأن تادية الديون والمستحقات المديون بها وذلك حسب ميثاق بين رجل الأعمال وبنك إفريقيا.

المصدر لي هضر مع “كود”، قال بلي هاد بزاف درجال الأعمال كيدوزو من هاد المراحل خصوصا حسن الدرهم لي تعرض لعملية نصب من طرف شريكو وهو مستثمر أجنبي فالداخلة، لي تمكن من اختلاس اموال كبيرة بزاف أثرات بشكل سلبي على استثمارات رجل الأعمال حسن الدرهم فالصحرا.

حسن الدرهم دابا كيتعرض لهجمة شرسة بسبب الخرجات الإعلامية لي دار فالأيام الأخيرة ولي كشف من خلالها على اختلالات كبيرة فميزانيات المجالس المنتخبة فجهة العيون، وقال بلي مايقدرش يشوف ويسكت على هاد شي لي واقع.