سامي العلوي -گود كازا //

كشفات مصادر خاصة ديال “گود “أن الجوندرام فسيدي رحال فاتحين أونكيط كبيرة هذا صباح ديال الخميس ،من بعد ما لاح البحر ثلاثة ديال الجثث ديال شباب ركبو زودياگ من جماعة المهاريز ولي تابعة البئر الجديد فمحاولة منهم باش يحرگو.

المصدر ذاته قال ،ان زيد على هاد الشي تعتاقلو 22 واحد والبحث جاري على الآخرين لي كانو معاهم ،بعدما تقلبات الفلوكة في البحر ولونها احمر وهاز حوالي 65 شخص فيهم الشباب والشابات ،الامر لي خلا استنفار امني بمنطقة لهواورة لتابعة النفوذ الترابي سيدي رحال ،بحيت حضر جميع المسؤولين بعدما سمعو لخبار ،بحيت حلت هيلكوبتر تابعة للدرك الملكي باش تبحت عن غاريقين في عرض البحر .