كود الرباط ///

طلع ماشي شيفور رسمي وخدا رخصة امو وعندو اضطرابات نفسية وكان كيتعالج فامريكا

كشف مصدر امني ل”كود” ان شيفور الطاكسي اللي دخل قبل ساعات فباب البرلمان بالعاصمة الرباط٬ طلع ماشي شيفور عندو ترخيص باش يستعمل هاد الطاكسي وباللي خدا رخصة فملكية امو. مصادر اخرى اكدات ل”كود” باللي المعني بالامر كان تحت تأثير الحبوب المهلوسة وباللي سبق ودخل لمستشفى للامراض النفسية باش يتعالج.

مصادر “كود” هدرات على سوابق ليه مع انواع المخذرات بالولايات المتحدة الامريكية اللي كان عايش فيها.

وكان هاد الطاكسي الصغير تسبب فكسيدة ودخل فباب البرلمان بالتزامن مع انطلاق جلسة الاسئلة الشفوية بمجلس المستشارين.

الحادثة ماتسببش في خسائر في الأرواح. الخلعة وصافي.

المعني بالامر تشد وكان فشي شكل بسباب ديك الحبوب المهلوسة