كود سبور//

مازال مستمر الناخب الوطني وليد الركراكي فالمنصب ديالو كمدرب المنتخب الوطني المغربي، والجامعة الملكية المغربية لكرة القدم برئاسة فوزي لقجع دايرين فيه الثقة.

ونفت مصادر “گود”، كل ما راج بخصوص اهتمام الجامعة الملكية المغربية بالمدرب الإسباني خوسي ريفييرو باش ياخد بلاصة وليد الركراكي فتدريب المنتخب الوطني المغربي، وقالت إن هذا الشي غير كذوب وما كاينش، واستغربت لانتشار بحال هاد الإشاعات وفهاد الوقت اللي قريب فيه كأس إفريقيا وما بقى له غير أشهر قليلة.

وأكد نفس المصدر، أن الناخب الوطني وليد الركراكي مازال مستمر فالمنصب ديالو وعندو الثقة الكبيرة والصلاحيات الكاملة من الجامعة الملكية المغربية لكرة القدم، باش يخدم على تحقيق الأهداف المسطرة مع المنتخب المغربي.