كود سبور//

جات لجنة مكونة من عناصر ديال الاتحاد الأفريقي والجامعة الملكية المغربية لكرة القدم، اليوم السبت لتيران بنجلون، وهو المقر ديال الوداد الرياضي.

وكشفت مصادر “گود”، أن اللجنة المكونة من عناصر ديال الكاف وجامعة الكورة، كان الغرض ديالها تفقد تيران بنجلون، استعدادا لاستضافة المغرب لدوري أبطال أفريقيا العيالات 2024، اللي غاتكون فمدينة الدار البيضاء فتيران البير جيگو، وتيران بنجلون غايكون ديال التداريب للفرق المشاركة فالمسابقة الأفريقية.

للاشارة فالاتحاد الأفريقي لكرة القدم منح قبل ايام المغرب تنظيم نهائيات دوري أبطال إفريقيا للسيدات، وغاتكون خلال الفترة الممتدة من 9 إلى 23 نوفمبر 2024، ومشارك فيها فريق الجيش الملكي النسوي كممثل للمغرب.