كود سبور//

كشفت مصادر جورنال “گود”، أن العمال اللي فيهم عدد من الأفارقة جنوب الصحراء، اللي كانوا محيحين يوم الجمعة فستاد دونور، ماشي عمال ديال البني او الأصلاح، وماشي شركة سونارجيس اللي مسؤولة عليهم.

ووضحت نفس المصادر، أن مجموعة الأفارقة جنوب الصحراء اللي كانوا فستاد دونور، هما عمال نظافة وماشي ديال الإصلاحات، وجابوهم باش ينظفو التيران ويديرو النيطواياح للملعب باش يكون واجد غدا السبت فماتش الديربي، وان شركة “سونارجيس” ما عندها حتى شي مسؤولية اتجاههم.

وكملت نفس المصادر ووضحت، ان هادوك العمال نورمالمون كايتخلصو نهار السبت ماشي الجمعة، ودارو وقفة فالتيران باش يتخلصو اليوم الجمعة، وهذا الشي اضطرّ المسؤولين عليهم باش يخلصوهم، وبعدما وقفو تماك بشي ساعة تخلصو فرزقهم، ومشاو بحالهم.