كود سبور//

كشفت مصادر “گود”، أن رئيس العصبة الوطنية لكرة القدم الاحترافية، دار اجتماع مع اللاعبين السابقين لفريق يوسفية برشيد، اللي صدرت لمصلحتهم أحكام ضد النادي ومازال ما تطبقت.

ووضحت نفس المصادر، أن رئيس العصبة الوطنية لكرة القدم الاحترافية عبد السلام بلقشور، وملي اسمع للمشكل من عند اللاعبين، اقترح عليهم حل من خلال أنهم ياخذو المستحقات ديالهم من بروتوكول.

وزادت وضحت المصادر أن هذا البروتوكول اللي اقترح رئيس العصبة على اللاعبين الهدف ديالو أنهم ياخدو رزقهم من خلال دفعات، فئة منهم غاتاخد هي الأولى مستحقاتها وفئة ثانية غاتاخد من وراها.

المصادر نفسها، وضحت أن اللاعبين السابقين ديال يوسفية برشيد، كايفكرو دابا فالمقترح ديال عبد السلام بلقشور رئيس العصبة الوطنية لكرة القدم الاحترافية، واش غايوافقو على البروتوكول أو لا.