گود سبور//

كشف مصادر “گود” ان اولمبيك اسفي تدخلو وفرضو على اللاعب الجزائري هواري فرحاني يبدل التوني ويلبس توني الفريق اللي فيه علم المغرب، وهذا الشي بعدما دخل للماتش ضد اتحاد العاصمة الجزائري فالجزائر لابس توني د اسفي بلا العلم المغربي ، ضمن ذهاب نصف نهائي كاس الكونفيدرالية الإفريقية.

ووضحت المصادر، ان إدارة اولمبيك اسفي برئاسة محمد الحيداوي وملي سالا الشوط الاول، تدخلت وفرضت على اللاعب الالتزام بشروط الاحتراف ومنها احترام توني الفريق، وانه يبدل التوني اللي لعب به الشوط الاول واللي محيد منو العلم المغربي، ويلبس توني فيه العلم بحالو بحال صحابو فالفريق.