كود مراكش هند لكلاوي ////

علمت “كود” من مصادر مطلعة من المحافظة العقارية باللي نشر بعض بيانات كتهم التحفيظ ما عندو علاقة باختراق الوكالة الوطنية للمحافظة العقارية والمسح العقاري والخرائطية. حسب مصادر “كود” فهاد الوكالة ما تعرضات لاي اختراق

مصادر “كود” قالت باللي هاد الوكالة دارت كلشي باش تحمي المعطيات ديال لمغاربة وباللي قدرات تحصن جميع البيانات.

هاد المصادر وضحات ل”كود” باللي القرصنة اللي وقعات دازت من حسابات بعض الموثقين. احد الموثقين اكد ل”كود” باللي “كاين فاي عندنا” و”باللي بعض منا ما عندوش الحماية الكافية وسهل الاختراق”.

الموثقون فالمغرب عندهم بلات فورت بيها يمكن يدخلو لمؤسسات بحال الوكالة الوطنية للمحافظة العقارية والمسح العقاري والخرائطية ومديرية الضرائب. مصدر “كود” من الموثقين قال باللي دابا خاص “تسد هاد لبلات فورم” و”كل موثق يولي عندو حساب فهاد المؤسسات خاصة الوكالة الوطنية للمحافظة العقارية والمسح العقاري والخرائطية.

دابا يمكن يتفتح تحقيق قضائي لتحديد المسؤوليات. ايلى حصل شي تقصير من شي يتعاقب على حجم الضرر

فموضوع عندو صلة هاد الشي، هدرات مصادر “كود” على نقطة اخرى يمكن شي جهات تحاول تبين باللي حققات شي حاجة ضد لبلاد. يتعلق الامر بللي التحفيظ فبلادنا مبني على الاشهار وباللي يمكن لاي مواطن يدخل ويخلص مائة درهم ويحصل على المعطيات بحال شهادة الملكية