كود سبور//

كشفت مصادر مطلعة من الأهلي المصري، أن كل ما يروج بخصوص أن المدرب ديالهم الألماني مارسيل كولر، قرر يصيفط اللاعبين المغربيين رضا سليم ويحيى عطية الله من الفريق ماشي بصح.

ونفت مصادر من الأهلي لجورنال “گود”، أن مدرب الفريق كولر حط اسم رضا سليم ويحيى عطية الله فلاليست ديال اللاعبين اللي باغي يصيفطهم بحالهم من الفريق قبل الصيف الجاي، باش يجيب لاعبين اخرين استعدادا لكاس العالم للأندية، حسب ما راجع خلال الساعات الماضية.

وناويين الأهلي المصري يخليو يحيى عطية الله معهم إلى قنعهم فيما تبقى من هذا الموسم، باش يشريو العقد ديالو بصفة نهائية من سوتشي الروسي اللي مخلينو لهم بريطي لموسم واحد من الصيف الماضي، مع العلم أن اللاعب كان موعت وتضرب إصابة خايبة فوجهو ودار عملية، ومن المنتظر يرجع يلعب فالقريب.

وبخصوص رضا سليم، فاللاعب دار عملية جراحية قبل أسبوعين بالنمسا، ويخضع للعلاج بعدما سالا الموسم ديالو مع الأهلي بسبب الإصابة، وكايتسناوه يبرى ويرجع يلعب معهم ابتداء من الموسم الجاي، ومازال عندو مع النادي المصري عقد فيه عامين ونص.