گود سبور//
كشفت مصادر ل”گود”، ان صفقة كوكا كولا اللي استفدو منها الرجاء والوداد الرياضيين، لعبت فيها الجامعة الملكية المغربية لكرة القدم دور مهم. مصادر ل”كود” قالت باللي بلا جامعة ما كانتش الشركة تدخل للكورة وتمشي عند الحمرا والخضرا
ووضحت نفس المصادر ل”كود” أن شركة كوكا كولا جات عند الجامعة الملكية المغربية لكرة القدم، وهي اللي اقترحت عليها توقيع شراكة الإشهار مع كل من الرجا والوداد ومبالغ مالية مهمة قيمتها كثر من مليار سنتيم.
مصادر رجاوية اكدت لـ كود أن قيمة العقد ديال الرجا مع كوكا كولا هو اكثر من نص مليار لكل نادي
نفس الشي أكادتو مصادر ودادية لـ گود بخصوص الصفقة وهو استفادة الحمرا كثر من 500 مليون سنتيم فـ هاد الصفقة.
وكانت كوكا كولا سنات مع الرجا والوداد قبل أيام عقود ديال الإشهار، ومن خلالها غادي تستافد أندية الدار البيضاء من مصادر جديد ديال لفلوس.
