كود سبور //

كشفت مصادر موقع “كود” أن الاعتداء اللي تعرضت له حافلة الوداد الرياضي فتونس قبل ماتش الترجي، ما خلف حتا إصابات فالفريق المغربي وأن السلطات التونسية دايرين خدمتهم لتأمين الفريق والجمهور ديالو.

حسب ما توصل به “كود” من المصادر ديالو، فالحجرة اللي ضربت الحافلة ديال الوداد الرياضي وهي فطريقها من فندق الفريق فتونس إلى تيران رادس، ما خلفت حتى إصابات وسط بعثة الفريق الأحمر وكلشي اللاعبين والوفد الودادي بخير وعلى خير.

نفس المصادر، أكد أن هذه حالة معزولة وأن السلطات التونسية ديارين خدمتهم لتأمين بعثة الوداد الرياضي والجمهور ديالو قبل وأثناء وبعد الماتش ضد الترجي، باش كلشي يدوز بخير، وأن الأمور حتى لدابا مضبوطة، وكلشي مزيان.