وكالات//

شيفور ديال موطور تحول لكرة ديال العافية بعدما ضربو بوليسي كان تابعو بصعقه كهربائية في ميريكان، وهادشي وثقاتو الكاميرا.

هاد المشهد المرعب وقع بعدما البوليس تبع المواطن لأن الموطور ديالو ما فيهش الترقيم، وطلبو منو يوقف ولكن رفض وهرب ليهم.

البوليس دارو بيان قالو فيه أن البوليسي كان باغي يوقفو بالصاعق الكهربائي، وهي تقنية كيعتمدوها الشرطة باش يوقفو المجرمين في ميريكان، ولكن فجأة تحول الرجل لكرة ديال العافية.

وقال البيان ديال البوليس أنهم من بعد البحث اكتشفو أن الضحية سميتو كريستوفر جايلور وعنده 38 عام، وكان مركب في ظهرو بوديزة ديال ليصانص داكشي علاش كان هارب من البوليس، وهادشي علاش شعلات فيه العافية.

https://mobile.twitter.com/MasonStone2222/status/1585663703298490371?ref_src=twsrc%5Etfw%7Ctwcamp%5Etweetembed%7Ctwterm%5E1585663703298490371%7Ctwgr%5E74fb1170b70c62a94901eb7697b65a372c94dcee%7Ctwcon%5Es1_&ref_url=https%3A%2F%2Farabicpost.net%2Fd985d986d988d8b9d8a7d8aa%2F2022%2F10%2F27%2Fd984d8b3d8a7d8a6d982-d8afd8b1d8a7d8acd8a9-d98ad8aad8add988d984-d984d983d8b1d8a9-d986d8a7d8b1d98ad8a9%2F