الرئيسية > آراء > مشكلة بعض الرجال المغاربة انهم تالفين بين جوج ديال النماذج ! نموذج الرجل المتحرر المنفتح لي مع حقوق المرأة و حريتها و نموذج الآباء لي بالنسبة ليهم المرا بلاصتها الكوزينة كيما قال داك الصحفي ديال راديو مارس!
07/07/2019 15:00 آراء

مشكلة بعض الرجال المغاربة انهم تالفين بين جوج ديال النماذج ! نموذج الرجل المتحرر المنفتح لي مع حقوق المرأة و حريتها و نموذج الآباء لي بالنسبة ليهم المرا بلاصتها الكوزينة كيما قال داك الصحفي ديال راديو مارس!

مشكلة بعض الرجال المغاربة انهم تالفين بين جوج ديال النماذج ! نموذج الرجل المتحرر المنفتح لي مع حقوق المرأة و حريتها و نموذج الآباء لي بالنسبة ليهم المرا بلاصتها الكوزينة كيما قال داك الصحفي ديال راديو مارس!

سهام البارودي – كود//

مشكلة بعض الرجال المغاربة انهم تالفين بين جوج ديال النماذج ! نموذج الرجل المتحرر المنفتح لي مع حقوق المرأة و حريتها ، و نموذج الآباء و الأجداد لي أغلبهم من العروبيات و لي بالنسبة ليهم المرا بلاصتها الكوزينة كيما قال داك الصحفي ديال راديو مارس ! و هاد الانفصام لي كايعيشو بعض المغاربة هوا لي كايخلي تصرفاتهم تبان حمقة لشي واحد كايتفرج فيهم من بعيد ! مثلا المغربي يتصاحب و ينيك صاحبتو و فاش يبغي يتجوج يبغي يديها عزبة مادة يديها للحنة ! يبغي يخرج و يشطح مع صاحبتو فشي بواط و يضرب معاها الطاسة و لكن ختو ماتخرجش و مايكونش عندها الصاحب ! عندو عادي انه ينيك و لكن ختو و مو و عيالات عائلتو ماخاصهمش يتناكو ! بريف ! تاواحد ماخافي عليه الانفصام لي كايعيشوه بزاف ديال المغاربة مع الجنس الآخر بين القيم د القرن الواحد و العشرين و القيم ديال القرون الوسطى!

و المشكلة هنا ماشي غير فالانفصام بحد ذاتو ! بل فعدم قدرة المغربي السكيزوفريني فأنه يمثل واحد من هاد الشخصيات و يتقنهم و يبدع فيهم ! عندو حنين للنموذج الأول ديال الراجل ” الشرقي” لي حاكم فمراتو او عيالاتو و هوما جالسين فالدار مقابلين الكوزينة و الولاد و الزواق للراجل، و هوا ‘سي السيد’ كايتبورض عليهم فالدار و كلمتو هي لي كاينة و لكن فاش كايطيح مع المرا للوطا كاتلقاه ماقادش ! مزيان هادشي للانسان لي بغاه و الانسانة لي موافقة تعيش فيه و لكن خاصك تقد بهاد النموذج لابغيتيه آ بعيرير ! خاصك فلوسو ! خاصك الحبة ! عومار ! الگرمومة ! لي تخليك تجلس المرا فالدار و تصرف عليه و تهلا فيها و فالوليدات ! راه سيدي ربي براسو قاليك ” فيما انفقوا ” ماشي نتا مزلوط دينمك و باغي تكبت المرا وتكبح طموحها و تسد عليها و تعيشها معاك الفقر و الزلط ديالك ! ماقادش تصرف على بناتك و فاش كايخرجو يقحبو كاتعقد ! ماقادش تكون بمراتك و كاديرونجا فاش كاتشوفها ماحاملاكش و ماكاتشوفش فيك الشوفة ديال “رااااااجل و سيد الرجال” و كاتقمع دينمك فاش كادوي ! السعودي و الاماراتي و الخليجي لي كايعيش فهاد الموديل الاسري راه كايكون قاد بيه ماديا ! مهلي فالعيالات و الولاد و قااااااد ! معيشهم فالقصور و مهلي فيهم بالسفريات لتركيا و اوروبا و مبرعهم مجوهرات و ذهوبات و طونوبيلات ! تا لاعاش بقوانين القرون الوسطى راه جات معاه! المرا عايشة معاه مبرعة ! هي مسامحة فحريتها و لكن رابحة الراحة و الولاد و التبراع ! نتا باغي تساهم فالمؤسسة الزوجية غير ب**بك و هاكاك كاتحل دلقوشك مازال !

العيالات فالمغرب طموحات (اغلبهم) ! كاتلقاها ماقارياش و مقاتلة مع الوقت دايرة دارت و كاتبيع البغرير باش تفرش الدار و توفر لراسها جو مزيان ! كايقراو ! كايخدمو ! كايقحبو! كايتقاتلو على راسهم ،ماشي ذنبهم ايلا الطموح ديالهم فايت المستوى لي يمكن يوفرو ليهم الذكر لي سواء الاب او الاخ او الراجل ! الذكر لي تربى حياتو كاملة على انه راجل ! و شنو مادار راه راجل و جات معاه ! و ماكايتعابش ! و الف وحدة تتمناه ! و الشرع معاه ! و القانون فصفو ! و الفضاء العام ديالو يتبورض فيه كي بغا و وواخا هاكاك و بهاد ليزافونطاج كاملين و كاتلقاه مسوخر اللور فحالا مجربين فيه السحور ! ماباغي يخدم ماباغي يقرا ماباغي يطور من راسو ! ماباغي يبدل مجهود فحياتو ! ماعند مو طموح ! كايضل العام كامل يسلت و ينقز السور د الليسي و فاش يتحط ليه الامتحان يخرج كايبكي ” ماقراوناااش! ماخلاوناش نقلو ” ! كايضرب تيليفون لشي بنت خارجة تخدم فالمعمل و يدخل للتيران يغوت ” فبلادي ظلموني ! الذكر لي “باغيها ” سويدية” ! حاط بوسط فگروب ” واش تقدري تعيشي مع راجلك بألف درهم فالشهر … هنا فين غايبانو بنات الناس” يا سير الله يغبر لبوك الشقف يا وجه الميزيريا!

الحكام و المرا فالكوزينة و ديك الهضرة الخامجة ديال القرن جوج خاصها الفلوس لي كايجيو معاها ! لاغاتشد المرا و تعيشها فالزلط و الميزيريا و لا غاتولد البنات و نتا ماقادش بيهم و بمصروفهم و باولويزهم و بكوافورهم و بقرايتهم و حوايجهم غا سد دلقوشك و خليهم يخرجو من الكوزينة باش يحققو طموحاتهم راسهم !

قالك ” دخلي للكوزينة” ! على تقديتك الزينة لي حاط ليها تما !

موضوعات أخرى

15/12/2019 21:30

بالفيديو. نشطاء حراك الريف احتجو على الوزير رباح ف ليل الفرنسية.. رباح لـ”كود”: رغم التشويش نجح اللقاء وهوما رفعو شعارات ضد الثوابت