كود – كازا ///

تنشرات تقارير كثيرة ف الجورنالات الصبليونية، ف الايام الفايتة، على مشروع الربط القاري بين المغرب والصبليون.. وتناولت هاذ التقارير علاش تم اختيار  نفق وماشي قنطرة؟ والوقت اللي غادي يكون كلشي واجد فهاذ المشروع المشترك بين البلدين الجارين اللي كيتسناهم مع البرتغال تنظيم مونديال 2030.

وحسب المصادر ذاتها، حددت الحكومة الإسبانية موعد الانتهاء من المشروع عام 2030 ، بالتزامن مع كأس العالم لكرة القدم، وتم الكشف عن سبب اختيار بناء نفق بحري ف بلاصة قنطرة للحد من الأثر البيئي وخفض التكاليف، بالإضافة إلى تقليل التأثير على الملاحة البحرية، وبالتالي ضمان عدم وقوع أي حادث غير متوقع.

وأضافت التقارير ذاتها، أن التأثيرات البيئية ديال مشروع بناء النفق محدودة، كما أن التقدم ف تكنولوجيا التنقيب والحفر كان عندها دور أساسي ف التغلب على العقبات الفنية والمالية المختلفة، بالإضافة إلى خبرة إسبانيا ف مجال السكك الحديدية عالية السرعة، كلها عوامل ساهمت ف اختيار بناء نفق سككي بحري. ودابا بقى غير عقد الاجتماع المقبل للجنة المختلطة الإسبانية المغربية لتحديد الخطوات الجاية.