وكالات//

نايضة روينة دابا فمدينة فوكوياما الجابونية بسباب واحد المشة هربانة، دارت السلطات فالبلاد واحد البلاغ كتحذر الناس من أنهم يقيسوها ولا يقربو منها.

على حساب بيان البوليس فهاد القطة طاحت فواد السطل فيه مواد كيماوية خطيرة بزاف، قبل ما تهرب ولي قاسها ولا قرب منها يقدر يآذي راسو.

كيقولو البوليس أن السطل لي طاحت فيه كان فواحد المصنع ديال الصباغة وفيه مادة الكروم سداسي التكافؤ، لي معروف أنه كيسبب السرطان ولي قاسو غادي يدير ليه التهاب في اليد ولي شمو يقدر يدير ليه مشاكل في الرئة.

ونشر كاع البوليس ديال المدينة واحد الفيديو كيبين اللحظة لي هربات فيه المشة، باش الناس تعرفها وترد منها البال وتبلغ البوليس ايلا شافتها.