وكالات//

تسببات واحد المشة ديال الدار في الشينوا ف كارثة للسيدة لي كتملكها فين وركات على واحد البوطونة بالخطأ في البيسي الشخصي ديالها وسيفطات ليها رسالة ديال الاستقالة بلا متبغي.

وإلى جانب الخدمة ديالها، خسرات هاد الصينية بسبب هاد الخطأ د المشة ديالها البريم ديال راس العام لي كانت كتسناه من هادي مدة طويلة.

وفي الوقت لي كانت كتلعب فيه هاد المشة فوق البسي، وركات على شي بوطونات وهي تسيفط الرسالة ديال الاستقالة لي كانت ديجا موجداها ولكن تراجعات عليها من بعد.

وقالت هاد البنت لي عندها 25 عام إنها كتباتها من شهر هادي تقريبا ولكن كانت مترددة في اتخاذ القرار النهائي.

على حساب  مقالت تقارير صحفية صينية فهاد الشابة بغات تنقذ الموقف وتاصلات بالمدير ديالها ولكن متفهمهاش، وقرر أنه يقبل الاستقالة ديالها.