الوالي الزاز -كود- العيون///
غادي تنطالق اليوم السبت الموافق لتاريخ 9 مارس 2024، قافلة ديال المساعدات من إقليم الباسك فإتجاه مخيمات تندوف، وذاك فإطار الدعم اللي تحظى بيه فهاد الإقليم.
إقليم الباسك غادي يرسل 4 شاحنات فيها 40 طن ديال المساعدات الإنسانية الموجهة لمخيمات تندوف، وغادي تنطلق من مدينة دونوستيا بحضور ممثلين عن البوليساريو ورئيس بلدية دونوستيا، إينيكو گويا.
هاد المساعدات ما غاديش يتم تسليمها لهياكل الأمم المتحدة بحال المفوضية السامية لشؤون اللاجئين او لفرع برنامج الاغذية العالمي فالجزائر، وسيتم تسليمها مباشرة للبوليساريو، الشي اللي كيخليها معرضة للإختلاس من طرف القيادة اللي كتعاود بيعها فالأسواق الموريتانية، فالوقت اللي ساكنة مخيمات تندوف تعاني الأمرين خاصة فظل عدم وفاء العديد من الدول المانحة بإلتزاماتها تجاههم.
