كود سبور//

كيعرف برلمان الرجاء الرياضي احتقان كبير ما بين عزيز البدراوي رئيس النادي واللي معه من مسيرين والمنخرطين بالنادي، اللي ما بقاوش قادرين طريقة تسيير الفريق خصوصا وأن الوضع بالرجاء كيزيد يتعقد.

هذه المرة بطلة تعاقد الأمور وسط الرجاء الرياضي هي “ح.ن” المسؤولة على البنية التحتية ديال النادي واللي ما كتقباش انتقادات المنخرطين بخصوص طريقة عملها بهذه اللجنة اللي عليها الرئيس عزيز البدراوي واخا مازال ما عندهاش صفة المنخرطة، وبزاف ديال المطلعين والمقربين من البيت الرجاوي كيقولو أنه عطاها هذه المسؤولية غير ضد فالرئيس الاسبق محمد بودريقة وحيث هي بناية، وأن منخرطين عندهم كلمتهم رفضوا يدخلو قبل أسابيع فتسيير الرجاء مع البدراوي حيث أراد الأخير يفرض عليهم “ح.ن” وشي أسماء أخرى كعضوة مسيرة حيث ما فاهمة والو فالتسيير وما عارفاش النادي مزيان وخاصها مازال التعلم والتحك.

وحسب مصادر مطلعة، “ح.ن” الوضعية ديالها كمسؤولة بالرجاء الرياضي ماشي قانونية، حيث فالأصل باقي مازال لم يصادق بعد على طلب عضويتها كمنخرطة بالنادي، لأن الجمع العام هو من يتم خلاله الموافقة على طلب انخراط منخرط جديد أو التشطيب على منخرط قديم لسبب ما، من طرف المنخرطين بالنادي وذلك بالتصويت، وطبعا هذا الجمع العام كان عزيز البدراوي أجلو من بعد أيام على تنصيبو رئيس للرجاء ومازال ما داروش.

مجموعة من المنخرطين البارزين بالرجاء الرياضي ما عجبهمش هذا الوضع ديال النادي واللي كيسيرو فيه مع عزيز البدراوي ومن بينهم “ح.ن”، واللي وحسب نفس المصادر لا تحترم الانتقاد ديال المنخرطين وخا هم قدام عليها بالرجاء وهي عمرها كانت مسيرة بالنادي ولا منخرطة فيه بالأساس.

الوضع داخل الرجاء الرياضي صبح ضبابي، والمنخرطين بالنادي غاضبين من طريقة تسيير عزيز البدراوي واللي معه، خصوصا وأنه كيسر النادي غير باللجان حيث مازال لم ينجح بعد فتشكيل مكتب مديري قوي وعليه إجماع وكيشوفو الفرقق كيتعذب بزاف وحتى الديبلاصمون خارج المغرب كيتمحن وكيتكرفص فيه أمام عجز البدراوي اللي ما قدرش يوفر حتى طائرة خاصة للتنقل فإفريقيا لخوض عصبة الأبطال.