كود سبور//

غايكون مسموح لجمهور الرجاء الرياضي، بالتنقل إلى مدينة الخميسات، لحضور ماتش الفريق ضد اتحاد التواركة هذا الويكاند برسم الدورة 28 من البطولة الاحترافية لكرة القدم.

وخصصت ادارة اتحاد التواركة اللي مستقبلين الماتش فتيران الخميسات، 300 تذكرة لجماهير الرجاء الرياضي، وتحطت فالگيشيات ديال تيران الوازيس ديال الرجا، مع العلم ان هذا العدد راه مايبقى قليل بالنسبة لجمهور كبير بحال جمهور الرجا، وهذا الشي يقدر يخلي “الكورفا سود” يقاطعو الماتش، حيث فايت لهم قاطعو ماتشات من قبل على ود هذا البلان.

وغايبداو يتباعو التذاكر ديال جمهور الرجاء الرياضي، إبتداء من الساعة 9 د الصباح حتى 1 الظهر، ودارو 30 درهم ثمن للتذكرة، مع العلم ان الماتش ملعوب غدا الاحد مع 8 الليل.