كود سبور//
كاتواصل حملة الكلاشات بين جمهور الوداد الرياضي رئيس العصبة الوطنية لكرة القدم الاحترافية، اللي كاتهمو أنه ورا المشاكل اللي كايعيشها الفريق الأحمر سوا تحكيميا او من ناحية منع الجمهور فشي ماتشات ديال الواك.
جمهور الوداد الرياضي، استغل الماتش ديالو اليوم السبت ضد شباب المحمدية فتيران العربي الزاولي برسم الجولة 6 من البطولة الاحترافية ورفعت ميساجات على عبد السلام بلقشور والعصبة الاحترافية والتحكيم وقرارات المنع من حضور الماتشات.
وطلعت جماهير الوداد ميساجات مكتوب فيها “la ligue nationale du football sans passion” و “هل من مسؤول حكيم قادر على إصلاح التحكيم؟” وغناو شي شعارات ضد بلقشور.
للإشارة فعبد السلام بلقشور كان كايرد على جمهور الوداد الرياضي والحملة اللي دايرين عليه بأغاني ديال الغيوان وإحصاءات على كمية التساقطات المطرية، كايبارطاجيهم على فيسبوك ديالو.
