الرئيسية > كود-تيفي > مسلحين هجمو بالقرطاس على شيافر مغاربة ف مالي.. جوج ماتو واخر تصاب – فيديوهات
12/09/2021 00:00 كود-تيفي

مسلحين هجمو بالقرطاس على شيافر مغاربة ف مالي.. جوج ماتو واخر تصاب – فيديوهات

مسلحين هجمو بالقرطاس على شيافر مغاربة ف مالي.. جوج ماتو واخر تصاب – فيديوهات

كود كازا//

المرصد الوطني للنقل وحقوق السائق المهني، قال ف بلاغ ليه توصلات بيه “گود”، انه وقع اعتداء على مغاربة من سائقي النقل الدولي بينما كانو متوجهين بكاميونات محملة بالسلعة إلى العاصمة المالية بماكو، وماتو فهاد الاعتداء جوج شيافر وتصاب آخرين بجروح والرابع نجى باعجوبة.

وزاد المصدر نفسو أن الضحايا تعرضو لإطلاق نار مكثف، مازالة أسبابو مجهولة لحدود الساعة.. وعمليات نقل البضائع باتجاه جنوب الصحراء كتمر شي مرات من ظروف صعبة، واعتداءات متكررة كيتعرضو لها مهنيو هاد النوع من النقل، بسبب قطاع الطرق وانعدام الأمن بعدد من المناطق اللي كيدوزو منها.

وقدم المرصد تعازيه لعائلات الشيافر اللي توفاو، ودعا المركز الإفريقي لحقوق الإنسان إلى التدخل العاجل وتعيين لجنة خاصة للتحقيق ف الجريمة باش نعرفو واش اعتداء ارهابي ولا سرقة (الى تسرقات السلعة) ولا حاجة اخرى.

وانتشرت البارح السبت على مواقع التواصل، فيديوهات وتصاور كيبان فيها كاميو عندو ترقيم مغربي وعلى الجاج ديالو أثار القرطاس، وتصاور لشخص غارق فالدم ومضروب بالقرطاس.

موضوعات أخرى

23/09/2021 16:00

غير غابت العدالة والتنمية الانتخابات رجعات لاجواء التسعينات.. الإختطافات التهديد بالقتل الخيانة الغدر الإنتحار المافيات والبلطجية مضاربين على الجماعات والمناصب.. كاع دوك رموز الفساد القديمة رجعات وأكثر قوة هاد المرة وتبلطجات على خاطرها