كود -كازا//

كتوجد  كازا باش تحتضن النسخة الثانية من “مسرح البول المغرب 2026”، نهار الجمعة 8 ماي، فاستوديو الفنون الحية، فموعد فني ولى داير بلاصتو فخريطة العروض العصرية فالمغرب.

هاد الحدث، اللي كينتمي لفن “Pole Dance” (رقص العمود)، كيتنظّم فكثر من 27 دولة فالعالم، وكيجمع بين الأداء الجسدي والتعبير الفني، بطريقة فيها ترفيه واحتراف فدقة وحدة،  النسخة المغربية كتواعد الجمهور ببروغرام فيه جوج ديال الفقرات ،عرض ديال الهواة ومن بعد عروض ديال شبه المحترفين والمحترفين.

المسابقة مقسومة لأربع فئات: “الفن” فين كيتميكسا البول دانس مع رقصات أخرى،درامية و كوميدية بطابع كلاسيكي جريئ كيركز على الأناقة والتقنيات التقليدية،التظاهرة غتعرف مشاركة فنانين من كثر من 10 دول، ومن بينهم مغاربة، وهاد الشي كيعطيها طابع دولي وكيبيّن باللي هاد النوع ديال الفنون ولى كيلقى اهتمام حتى فالمغرب.