عمـر المزيـن – كود//

علمت “كود” أن أحد القضاة بمحكمة الاستئناف بفاس، مشا البارح الاثنين للمنطقة الأمنية الثانية اللي كاينة فشارع محمد الخامس، مدعيا أن سيارته تعرضت للسرقة في ظروف غامضة على مستوى حي السعادة.

وحسب المعلومات التي تتوفر عليها “كود”، من مصادر مطلعة، فإن هاد المستشار للي كيكون فجلسات الجنايات الاستئنافية يومي الاثنين والثلاثاء، وجلسة جنحي تلبس استئنافي، مشا لواحد البنك باش يخرج شي بركة ديال لفلوس وحط السيارة ديالو فواحد الزنقة بحي السعادة، وكيقول مني رجع مالقاش السيارة ديالو فظروف غامضة.

وقالت المصادر نفسها أن فرقة الشرطة القضائية بالمنطقة الأمنية المذكورة تفاعلت بسرعة وبجدية كبيرة مع البلاغ، وباشرت تحرياتها حيث عثرت على السيارة مركونة في مكانها، كما نفت المصادر أن تكون السيارة تعرضت للسرقة أو شيء من هذا القبيل.

القاضي مني لقا السيارة ديالو اعتذر للبوليس وقاليهم أنه نسا فين حطها وتلفو عليه الدروبة ديال حي السعادة.